ಆರು ನೀ ಮನವೇ?
ಆವುದು ನಿನ್ನ ಗುಣವೇ? ।।ಪ।।
ಸಾವಿಲ್ಲದ ಹಸಿ ನೆನಪನು
ಬೆನ್ನಿಗೇರಿಸಿದ ಬೆತಾಳನಂತೆ ಸುತ್ತಾಡುವ ವಿಕ್ರಮನೆ ?
ನೋವಿಲ್ಲದೆ ಹಗಲಿರುಳು ದುಡಿಯುತ
ನಾಡಿಗೆ ದೇವರಂತೆ ಅನ್ನವಿಡುವ ರೈತನೇ?
ಪಾವನದಿ ಧ್ರಿಢ ಇಚ್ಛೆಯಲಿ
ರಾಮನನು ಹನುಮನಂತೆ ಕಾಯುವ ಶಬರಿಯೇ
ಯವ್ವನದಿ ಚಿಂತೆಗೆ ಚಿತವಿತ್ತು
ಅಂತರಂಗವನ್ನು ಮೃದಂಗದಂತೆ ತಣಿಸುವ ಯೋಗಿಯೇ
ತನ್ನ ತಾನೇ ಮೈ ಮರೆತು
ನೀಲಾಕಾಶದಿ ಸ್ವಇಚ್ಛೆಯಂತೆ ಹಾರಾಡುವ ಪಕ್ಷಿಯೇ?
ಆರು ನೀ ಮನವೇ?
ಆವುದು ನಿನ್ನ ಗುಣವೇ?
No comments:
Post a Comment